Lamentábel encontro o que presenciamos hoxe os apenas 12.000 espectadores que nos demos cita en Balaídos.
O Celta protagonizou hoxe un dos partidos máis tristes dos que se lembran nun pasado cercano, caendo víctima dun Osasuna rácano e peloteiro que aproveitou as súas oportunidades e toma aire na clasificación.


Os celestes semella deron o partido por partido antes incluso de que os navarros se adiantaron. Unha actitude pasiva digna da última temporada de Lotina.

O Celta comezou o encontro repetindo o equipo de Montjuic. Dende os primeiros compases entregou o balón a un Osasuna que tampouco se demostrou especialmente incisivo.
O perigo, como non, chegaba pola banda dereita, propiedade de D.Gustavo López, aínda que no día de hoxe, con máis vontade que cabeza. Dos seus pés sairon dúas ocasións que non tiveron premio.

Tampouco foi mellor o Osasuna neste inicio de partido ao que lle custou aínda máis chegar ata a porta contraria. como demostra que non fose ata pasada a media hora cando o conxunto navarro chegará por primeira vez con perigo ata a meta de Pinto.

No minuto 35, chegou o xa típico fallo defensivo que lle custaba o primeiro gol en contra aos vigueses.

A partir de aquí, o celta, coa coraxe gardada no armario, convertiuse nun protagonista secundario nesta aburrida película dirixida por Osasuna ata o final do encontro.

Comezaron os nervos, as imprecións e os fallos. Oubiña selou un horrendo encontro ao igual que Cannobio, desaparecido en case a totalidade do partido.
Saiu Perera por Iriney con media hora por diante, e aportou movilidade ao ataque vigués, aínda que sen sorte. A piques estivo , nos últimos compases do partido, de protagonizar a igualada, pero hoxe non era a nosa tarde.

Se xa tiñamos poucas esperanzas, chegou a expulsión de Ángel. O colexiado tamén quería o seu protagonismo nesta tarde nefasta. Horríbel a arbitraxe durante todo o encontro.

O Celta intentouno coas últimas embestidas á desesperada, pero só conseguiu o típico nestes casos, encaixar o segundo.

E así, entre os tímidos asubios dun Balaídos xa baleiro agás os incombustíbeis Celtarras (hoxe impresionantes) rematou este pesadelo tamén coñecido coma a cuarta xornada de Liga.
Seguimos con 3 puntos no casilleiro, o xoves co partido de volta da Uefa, e cun só lateral para o vindeiro domingo.

OPINA DO PARTIDO NO FORO

_{cortesía de celestes.org}