Un mellor Celta non puido vencer ao Espanyol nun partido no que os vigueses, demostraron o seu mellor bo facer pero non souberon materializar as múltiples ocasións que tiveron ao longo do encontro.

O Celta cosechou hoxe a segunda derrota da temporada en Barcelona. O Espanyol de Valverde, cheo de urxencias, que aínda que se levou os tres puntos, segue sen convencer á parroquia periquita.

Os vigueses tomaron o control do partido dende o primeiro minuto dando sensación de superioridade fronte a un rival que agardaba pechado no seu campo. Foron moitas as ocasións que os celestes (hoxe de laranxa) non suiberon aproveitar. Cannobio, Baiano, Gustavo, Lequi fallaron múltiples oportunidades.

No segundo tempo, os vigueses sairon durmidos, e o Espanyol aproveitou esa siesta viguesa para inaugurar o marcador no minuto tres. Pero pouco durou a ledicia en Montjuic, xa que Cannobio, de libre directo, puxo o empate cun golazo directo á escuadra.
Pero o Celta semellaba que non queria despertar e lle volveu entregar o balón ao Espanyol que, aproveitando unha perda de Oubiña no medio do campo, puxo un balón en longo a Tamudo que acabaríase convertindo no 2-1 definitivo, marcado por Jonatas.

Os branquiazuis souberon durmir o partido, ata que ao Celta lle entraron as presas. Seguindo as tradicións, Vazquez fixo os trocos tarde, e Perera entrou no minuto 37. O pacense tivo a súa primeira oportunidade aos poucos segundos de entrar en xogo nun man a man con Kameni que finalmente saiu despexado por un defensa espanyolista. O Celta foi alternando ocasións como un claro cabezazo de Oubiña a porta baleira que marchou fora, pero en ningunha delas se puido materializar o empate.

Ao final, os dous puntos quedaron en Barcelona, e o Celta debe aprender desta derrota e recuperarse rapidamente para o partido de volta da UEFA que nos agarda esta semana en Balaídos.

OPINA DO PARTIDO NO FORO