A grave lesión de George Lucas, así como outros mancados de longa duración, como De Ridder,P.García ou Guayre deixan ao Celta mermado para afrontar tres competicións.

Onte, o presidente mailo corpo técnico do equipo reuníronse de urxencia para tratar de definir as necesidades do equipo e a urxencia ou non, de facer fichaxes.

Carlos Mouriño declaraba onte que "o clube tentará de traer o antes posíbel un lateral", ainda que lembrou que o equipo "ten unha plantilla curta a petición do corpo técnico".
De tódolos xeitos, a posíbel contratación de novos reforzos queda aprazada ata a volta de Bélxica, co fin de non distraer ao equipo do enfrontamento deste xoves.

Entretanto, confirmouse do ofrecemento de Diego Tristán ao Celta. O propio xogador sería o que se ofrecera ao Celta, aínda que non recibiu ningunha resposta por parte dos vigueses. Finalmente, e grazas a Deus, Tristán asinaba co Mallorca, clube co que debutou en primeira división.