Sofrida victoria do RC Celta fronte ao Nàstic de Tarragona.
Baiano e Nené marcaron para o Celta e Portillo empatou de penalti rigoroso para o Nàstic.
Pero non todo son boas novas, xa que as lesións de P.García e Lucas, esta última de gravidade, poden trastocar e moito os plans do equipo nun futuro inmediato

O RC Celta aguou a festa aos 14.000 siareiros granates que encheron ata o cumio o Nou Estadi de Tarragona para ver a volta do seu equipo á primeira división.

O partido comezou cun dominio catalán que non foi quén de mancar á férrea defensa céltica comandada coma sempre por Contreras e Lequi.
Finalmente Pablo García saíu de inicio, pero non puido aguantar nin vinte minutos. O uruguaio tivo que r
etirarse mancado. Parece ser que é unha pequena recaída da lesión que o tivo apartado do grupo ao longo desta semana. Quizáis foi unha decisión anticipada dar saída ao mediocentro dende o comezo.
Vazquez deu entrada a Placente e moveu a Ángel ata o mediocentro, posición na que cumpriu perfectamente.

Foi cuestión de tempo ata que o Celta se fixo co dominio do partido e, ao comezo da segunda metade, Baiano rompeu as mallas do Nástic, adiantando ao Celta.

O árbitro sinalou un rigoroso penalti que Portillo non deixou escapar e puxo o empate no marcador.
Pero pouco lle durou a ledicia aos cataláns xa que Nené, á media hora da segunda metade, anotaba o segundo e definitivo gol que daba a victoria ao noso equipo.

O Celta xogou sen marabillar, pero convenceu, aínda que pagando unha peaxe cara. George Lucas semella estará varios meses de baixa e haberá que esperar acontecementos sobre Pablo García.
Dependendo da duración da lesión de Lucas, a secretaría técnica do Celta terá que estudar a fichaxe dun novo xogador.
Esperaremos acontecementos.

_{Cortesía de celestes.org}

Opina sobre o partido no FORO