OPINA SOBRE BAIANO NO FORO

Fernando Baiano, dianteiro do Celta de Vigo, confía en poder superar a cifra que conseguiu a pasada tempada coa camiseta celeste. O brasileiro conseguiu na súa primeira tempada en Vigo catorce goles, trece en Liga e un na Copa do Rei.


«Teño moitas cousas que mellorar, pero creo que este ano podo axudar, moito máis, ao equipo. Teño unha ilusión moi grande de mellorar a cifra de goles que conseguín o ano pasado e o meu nivel de xogo. Espero superar eses catorce goles da campaña pasada»
_{Declaracións do futbolista tras o adestramento que realizou o equipo nas instalacións da Madroa.}

Trala cesión de Javi Guerrero ao Recreativo de Huelva e a retirada de Juan Sánchez, o conxunto que dirixe Fernando Vázquez quedouse unicamente con dous dianteiros centros natos para afrontar as tres competicións que disputará: Liga, Copa da UEFA e Copa do Rei, aínda que o brasileiro Nené ou o canario Antonio Guayre poden actuar nesa demarcación.

No entanto, Baiano non se mostrou preocupado por esta circunstancia xa que considera que no persoal celeste «hai dianteiros de moita calidade», aínda que si confesou que a tempada será «dura» ao ter que afrontar tres competicións, polo que recalcou que o persoal ten que ser ampla porque «todos imos ter minutos» agregou.

O futbolista tamén espera que o técnico Fernando Vázquez utilice esta tempada un sistema máis ofensivo que o ano pasado. Baiano recoñeceu que se mostra máis seguro no campo con xogadores que o apoien cando recibe o balón cerca do área rival.

Así mesmo, o dianteiro brasileiro recoñeceu que ao conxunto vigués espéralle un mes de moito «sacrificio», no que terán que visitar en Liga os campos do Nástic e Espanyol, ademais de recibir ao Osasuna en Balaídos, e afrontar a primeira eliminatoria da Copa da UEFA ante o Standard de Lieja.

GUAYRE ESTARÁ LISTO PARA ENFRONTARSE AO NÀSTIC

Antonio Guayre estará a disposición de Fernando Vázquez para debutar coa camiseta do Celta en Liga o vindeiro domingo fronte ao Nástic en Tarragona.

O xogador canario, que se adestrou as últimas semanas á marxe do grupo por unha rotura no isquiotibial dereito, anunciou que se atopa en perfectas condicións físicas, aínda que recoñeceu que lle pode faltar ritmo de competición.

Info:Axencias