Pablo García, que tivo que retirarse no curso do adestramento deste sábado, é a novidade -aínda que sen maior importancia- no cadro de lesionados do Real Club Celta. Ao uruguaio, do mesmo xeito que a outros lesionados, como Jorge Larena, Guayre e De Ridder, viranlles moi ben os dous días de descanso que Fernando Vázquez determinou para o primeiro plantel. Deste xeito, o vindeiro martes, ás 10 da mañá, será a primeira cita cara a preparar xa o mini-maratón de 3 partidos en dúas semanas que afrontará o Celta (con citas en Tarragona, Lieja e Barcelona).