GUAYRE SI QUE ESTARÁ A DISPOSICIÓN DE VÁZQUEZ


Juan José Crespo, médico do Celta de Vigo, asegurou que o canario Jorge Larena é dúbida para o choque correspondente á segunda xornada de Liga que os celestes disputarán ante o Nástic de Tarragona o vindeiro domingo 10 de setembro, xa que padece "unha fisura costal".

Crespo tamén explicou que Antonio Guayre xa se atopa bastante recuperado da rotura de grado 1 que sufriu no seu isquiotibial dereito, polo que o ex xogador do Villarreal ten moitas posibilidades de estar a disposición do técnico Fernando Vázquez para medirse ao Nástic.


"Guayre cumpre catro semanas mañá e, en principio, se non hai ningún contratiempo, a semana que vén pode estar adestrando co grupo. Imos ir con calma porque as lesións de isquiotibiales adoitan ser bastante latosas, xa que teñen o seu risco de recaída, pero é probable de que poida estar dispoñible para viaxar a Tarragona".